იჩი ნო ტაჩი – მეთოდი

სტატიის დედანი

აი სავარჯიშო ისე, როგორც სრულდება მეთოდში.

ერთი დაზუსტება: უკე ტაჩის პირველი თვლის შომენის შეტევისას ჭრა ბოლომდე უნდა შესრულდეს, მაგრამ სხეულის უკან დახევით, ცხადია, რათა თავიდან აიცილოს უჩი ტაჩის გიაკუ იოკომენ უჩის შეტევა. უკე ტაჩიმ არ უნდა შეწყვიტოს ჭრა ჯოდანის პოზიციაში და ასე, ჭრის გარეშე არ უნდა დაიხიოს უკან პირველ თვლაზე. საიტო სენსეი ძალიან ბრაზდებოდა ხოლმე, როცა მოწაფეები ასე იქცეოდნენ.

ამის მიზეზი ის გახლავთ, რომ სინამდვილეში არ არსებობს არანაირი მეორე თვლა. უკე ტაჩი  უჩი ტაჩის ხმლით ყელგამოჭრილი კვდება პირველივე თვლაზე, რადგან მისთვის შეუძლებელია უჩი ტაჩის ხმლის არიდება, თუკი ეს უკანასკნელი ნამდვილ ჭრას აკეთებს.

დიდი ლოგიკა ძევს ამაში. კერძოდ ის, რომ ყველა ნამდვილი შეტევა აუცილებლად ქმნის ღიაობას შემტევის სხეულზე და როდესაც მოწინააღმდეგე ჭკვიანურად იყენებს ამ ღიაობას, შეუძლებელია მისი დარტყმის თავიდან აცილება.

პირველი კუმიტაჩი „მეორე შანსს აძლევს უკე ტაჩის“, ეს მეთოდში შემუშავებული სამუშაო შეთანხმებაა, რომლის მიზანიც მხოლოდ სავარჯიშოს ბოლომდე მიყვანაა. აქ არანაირი რეალობა არ არის და არც არის საჭირო, ადამიანმა იქ ეძებოს რეალობა, სადაც ის არ შეიძლება, რომ იყოს.

ფილიპ ვოარინო, 2019 წლის მაისი.